Ibinyamakuru bishyigikiye leta ya FPR biri kuvuga ko ari umutwe wa M23 wongeye gutera uvuye muri Uganda! Abakurikiranira hafi umubano wa Kagame na Tshisekedi bemeza ko leta y’Inkotanyi yafashe icyemezo cyo gufata uturere twa Congo ikoresheje imbaraga kuko nyuma y’aho Kagame Paul aburiye irengero, Tshisekedi yirengagije amasezerano yagiranye n’inkotanyi y’uko zigomba kumushyigikira ku mwanya wa perezida yahawe na Joséph Kabila nawe akazemerera kugenzura igice cy’ubutaka bwa Congo kingana na kilometero 550. Hashize ibyumweru bigera kuri 3 abaturage ba Congo baturiye umupaka bamenyesha buri munsi abayobozi ba Congo ko bari kubona ingabo z’inkotanyi zirimo zitegura kugaba ibitero ku butaka bw’igihugu cyabo ariko abo bayobozi bakirengagiza ayo makuru. Bitewe ni uko abantu benshi bavuye mu byabo bakaba bari guhungira muri Uganda ku bwinshi, byabaye ngombwa ko igihugu cya Uganda gifunga umupaka wa Bunagana uhuza icyo gihugu na Congo. Muri aka kanya tubagezaho iyi nkuru, imirwano iri kubera ku musozi wa Chanzu yerekeza i Bunagana. Urusaku rw’amasasu y’ingabo za Paul Kagame RDF zihanganye na FARDC rukaba rwatumye abaturage benshi bo mu karere ka Rutshuru bari guhunga ari benshi ingo zabo. Guhera mu gitondo cya kare kuri uyu wa mbere ingabo za RDF zatangiye kwirukana ingabo za Congo FARDC mu turere tumwe na tumwe twa Kivu y’amajyaruguru twegereye pariki y’ibirunga.Īmakuru ‘Veritasinfo » ihabwa n’abaturage batuye i Rutshuru, aremeza ko ingabo z’Inkotanyi RDF zamaze kwigarurira uturere twa Chanzu na Mbiza. Mu ijoro ryo ku cyumweru rishyira kuri uyu wa mbere taliki ya, ingabo za Paul Kagame RDF zinjiye ku butaka bwa Repubulika Iharanira Demokarasi ya Congo ( RDC) mu ntara ya Kivu y’Amajyaruguru.

Cm93v3 crackers